Kubhedile kobanjwe nezidakamizwa nemali

Livele lamshonela ilanga umlisa oneminyaka engama-34 ubudala kulandela ukubanjwa oqotsheni namaphakethe ezidakamizwa kanye nemali e-Leonards Ville, e-Ladysmith.

Uphiko lwe-Ladysmith Visible Policing lubhadame lo mlisa namaphakethe ayi-16 esidakamizwa okukholakala ukuthi yi-CAT. Lilinganiselwa ku-R4 800 inani lalezi zidakamizwa ngokwenani lasemgwaqeni.

Imali etholakale kulo mlisa kusolakala ukuthi iyathinteka ebugebengwini.

Umsolwa ubekwe icala lokusebenza ngezidakamizwa.

news@liveexpress.co.za

Image: SAPS

Related Posts