Uzovela ‘owathumba, wabulala’ uthisha oyimbangi yakhe

namacala okubulala nokuthumba lowo owayeyisoka lentombi yakhe, eWembezi, KwaZulu Natali.

Mhla ziyi-11 March 2016, kusolwa ukuthi u-Raymond Mabizela (47), nowayenguthisha e-Bergville, wayengwa yintombi yakhe, uFikelephi Ngubane (28), ukuba eze eWembezi.

Kusolakala ukuthi ngenkathi eseseWembezi wabe esethunjwa ngelinye isoka lika-Fikelephi kanti akazange esabonakala emva kwalokho.

Lo thisha wabe esemenyezelwa njengomuntu olahlekile.

Kuze kwathi ngomhla zingama-24 March 2016, kwatholakala isidumbu sakhe sesonakele, simbozwe ngo-carpet, eWembezi.

Uphenyo lwamaphoyisa lwaholela ekuboshweni komsolwa wokuqala, uFikelephi. Wabe esevela eNkantolo yeMantshi e-Estcourt kanti icala lakhe labe selihlehliselwa umhla ziyisithupha ku-May 2016 ukuze afake isicelo sebheyili.

ngoLwesihlanu, amaphoyisa ophiko lwe-uMlazi K9 Unit ngokubambisana ne-Durban Protection, bebesemkhankasweni wokuzingela umsolwa wesibili kuleli cala emva kokulunywa indlebe ngokubonakala komsolwa e-Sipingo, entshonalanga neTheku.

Umkhondo ubaholele esitobhini samabhasi khona eSipingo nalapho bebhadame khona umsolwa, zabe sezimkhalela.

uKhomishana wamaphoyisa KwaZulu Natali, u-Lieutenant General Mmamonnye Ngobeni, uthi kuyadumaza ukuthi iningi lamacala okubulala enziwa yilabo abasuke bethandwa yizisulu futhi zibathemba kakhulu.

“Izigameko ezifana nalezi azinasidingo, zizwisa ubuhlungu futhi ziwubulwane,” kusho uNgobeni.

views@liveexpress.co.za

news@liveexpress.co.za

Image: youtube.com

Related Posts