Kulimale abangu-8 kushayisana amatekisi

Abantu abayi-8 bathole ukulimala ngenkathi kutholana phezulu amatekisi amabili ekhoneni la-New Eisleben kanye no-Lansdowne Road, e-Phillipi, e-Cape Town.

Kukholakala ukuthi enye yalama tekisi iphunyukile, maqede yayongena kwenye nokuholele ekutheni igingqike.

Ngokusho kokhulumela abosizo lokuqala abakwa-ER24, u-Pieter Rossouw, uthi ngenkathi abosizo lokuqala befika kule ndawo bathole enye yala matekisi ilele ngecala.

Uthi emva kokubahlola laba abalimele bathole ukuthi bebenokulimala okungatheni kanti abanye bathole imihuzukwana nje.

u-Rossouw uthi abalimele balashelwe endaweni yesigameko ngaphambi kokuba baphuthunyiswe ezibhedlela ngokwehlukana.

views@liveexpress.co.za

news@liveexpress.co.za

Image: ER24

Related Posts