Uboshiwe odlwengule, wathumba izingane ezintathu

Ugcine ekhalelwe amasango kasiGonyela umlisa osolwa ngokushushumbisa kanye nokuthumba izingane ezintathu ezweni lase-Swazini, eyodwa yazo wayidlwengula.

Lo mlisa oneminyaka enga-40  ubudala, ongowokudabuka eSwazini, uboshelwe icala lokushushumbiswa kwabantu, ukuthwala, ukundlwengula kanye nokuphula imithetho ephathelene nokungena ezweni.

Kusolwa ukuthi wathwala ngenkani izingane ezintathu ezineminyaka eyi-5, eyi-7, kanye neyi-13 ubudala, e-Swazini, ngonyaka ka-2015.

Ngenkathi eseseNingizimu Afrika kusolwa ukuthi ubelokhu edlwengula le ngane eneminyaka eyi-13 kwaze kwaba iyakhulelwa.

Umsolwa uboshwe ngoLwesithathu emva kokuthi uphiko loKlebe lulandele umkhondo ngokubonakala kwakhe.

Ama-Hawks athi izingane zitakulwe ngesonto eledlule zase zibekwa endaweni ephephile.

“Izinhlelo zokubahlanganisa nomama wazo ozizalayo ziyaqhubeka,” kusho ama-Hawks.

Umsolwa kulindeleke ukuba avele eNkantolo yesiFunda eThekwini, ngoLwesihlanu.

views@liveexpress.co.za

news@liveexpress.co.za

Image: Pixabay.com

 

Related Posts