Kushone owesifazane engozini yemoto nebhasi

Kushone owesifazane kwaphinde kwalimala intombazane esencane ngenkathi kushayisana imoto kanye nebhasi emgwaqeni onguthelawayeka, u-N12, ngaphandle kwase-Fochville, e-Gauteng.

Ngokombiko wabosizo lokuqala, abakwa-ER24, bathi bafike endaweni yesigameko bathola lo wesifazane esahleli ngaphakathi emotweni ngoMgqibelo, ntambama.

Bathe uma bemhlola bathola ukuthi usedlulile emhlabeni. Ube esehlonzwa njengomuntu oseshonile ngabakwa-ER24 khona endaweni yesigameko.

Lo wesifazane kukholakala ukuthi uphakathi kweminyaka angama-20 kuya kwengama-30 ubudala.

“Intombazane esencane nayo ebihamba ngemoto nayo ilimele. Ilashiwe yabe isiphuthunyiswa esibhedlela,” kubeka abakwa-ER24.

Akekho okubikwe ukuthi ulimele obesebhasini.

views@liveexpress.co.za

news@liveexpress.co.za

Image: ER24

Related Posts