Kushone abahlanu beyosokwa eTshwane

Kushone amabhungu amahlanu (5) abeyosokwa ezikoleni ezahlukene e-Tshwane, e-Gauteng, ngesikhathi sobusika.

Ngokusho kwedolobha lase-Tshwane lamabhungu amahlanu ashone ezigamekweni ezehlukene e-Mabopane, entshonalanga ne-Tshwane kanye nase-Mamelodi, empulalanga ne-Tshwane.

Kubikwa ukuthi amanye amabhungu abeyosokwa ashone ngenxa yomlilo oshise isikole sokusoka e-Mabopane, kanti omunye ushone ngenxa yezizathu ezingadalulwanga emva kokungeniswa esibhedlela, i-Mamelodi Hospital.

uNgqongqoshe wezokubusa ngokubambisana, ezomdabu kanye nezezindlu e-Gauteng, u-Paul Mashatile, uthi kuyaxaka ukuthi lezi zigameko zokufa zenzeke e-Tshwane, nokuyilapho kunesibalo esiphezulu sezikole ezibhalisiwe nezisemthethweni e-Gauteng.

Umnyango uthi uzoqhubeka nokusebenzisana namaphoyisa, umnyango wezempilo, umnyango wezokuthuthukiswa komphakathi, amakhosi kanye nomphakathi ukuqinisekisa ukuthi kugwenywa izigameko zokufa kanye nokulimala ngesikhathi sokusoka.

views@liveexpress.co.za

news@liveexpress.co.za

Image: Wikipedia.org

 

 

Related Posts