Iyanyuka intengo ka-petrol ngo-November

UMnyango wezaMandla uthi intengo ka-petrol izonyuka ngo-4 cents ilitha ngo-November.

Intengo ka-Diesel (0.05% sulphur) yona izonyuka ngo-23 cents ilitha bese kuthi eka-Diesel (0.005% sulphur) yona inyuke ngo-27 cents.

Lo mnyango uthi izintengo zika-petrol zihlale zicutshungulwa nyanga zonke kanti lokhu kusuke kulawulwa yizimo zakuleli kanye nezakwamanye amazwe.

Intengo ka-Petrol (93 Octane, ULP kanye ne-LRP) kanjalo neka-petrol (95 Octane, ULP kanye ne-LRP) izonyuka ngo-4cents ilitha.

FUNDA NALOLU DABA: U-FNB uzophisana ngama-millions ama-Gigabytes e-data kumakhasimende

UMnyango wezaMandla uthi esinye sezizathu zalokhu kunyuka kube amandla erandi lakuleli uma liqhathaniswa nedola laseMelika. Irandi lehlelwe ngamandla uma liqhathaniswa nedola lasuka ku-13.13 lafinyelela ku-13:62 wamarandi uma liqhathaniswa nedola laseMelika.

Intengo kapharafini yona izonyuka ngo-21 cents ilitha.  

Image:  Pixabay

Related Posts