Idephunwe yinja yashona ingane enezinyanga ezingu-6

Ingane enezinyanga eziyisithupha ubudala ibulawe yinja ngoLwesithathu ekuseni ngemuva kokuthi le nja iyilume amahlandla amaningi endaweni yase-Primrose, eJohannesburg.

Abosizo lokuqala bakwa-ER24 bathi bafike endaweni yesigameko bathola ukuthi besekuvele kukhona abanye bosizo lokuqala abebezosiza lo mntwana.

“Abosizo lokuqala baholelwe egunjini lokuphumula laleli khaya nalapho bethole isidumbu sengane.

FUNDA NALOLU DABA: Sekushone abangu-10 kudutshulwa isikhulu samatekisi

“Abosizo lokuqala bahlole lo mfana omncane base bathola ukuthi uthole ukulimala okuningi okunzima kokulunywa futhi akakhombisanga zimpawu zokuphila,” kulandisa abakwa-ER24 bengeza ngokuti nabo bekungasekho abebengakwenza njengoba umntwana ubesevele eshonile ngenxa yala manxeba nokuthi uye wahlonzwa njengoseshonile khona endaweni yesigameko.

Okwamanje akukakacaci ukuthi bekwenzenjani lo mntwana eze elunywa yinja.

Image: Pixabay

Related Posts