Uphiko lwama-Hawks selibophe ikhansela lewadi kuMasipala wasePolokwane eLimpompo elineminyaka engu-35 ubudala ngezinsolo zenkohlakalo.
Leli khansela kuthiwa zilikhalele ngoLwesibili ngemuva kokuthi lolu phiko loKlebe lulunywe indlebe ngalo mkhuba okusolwa ukuthi beliwugila, likhokhisa abantu abafuna umsebenzi imali.
FUNDA NALOLU DABA: Kugwetshwe ikhehla (64) ngokudlwengula ingane ena-10
“Kucushwe umgoga emahhovisini kaMasipala kanti umsolwa uboshiwe ngemuva kokuthi amukele u-R2 000 wokugwazelwa elungeni lomshushaphansi,” okhulumela ama-Hawks esifundazweni uCaptain Matimba Maluleke usho kanjalo esitatimendeni.
Umsolwa kulindeleke ukuba avele ePolokwane Magistrate’s Court maduzane.
Image: Public Domain Pictures
