Imoto ibhodloze udonga yayocwila kwi-swimming pool

Umlisa oneminyaka engu-33 ubudala uthole ukulimala okungatheni ngemuva kokuthi imoto abehamba ngayo kusolwa ukuthi imphunyukile yabe isibhodloza udonga lokubiya ngaphambi kokuba iyophonseka kwi-swimming pool eHamberg, eRoodepoort.

Ngokombiko wabosizo lokuqala bakwa-ER24, bafike endaweni yesigameko ngemuva nje kancane kuka-4pm nalapho bethole khona lo mlisa ezulazula endaweni yesigameko.

“Iveni itholakale icwile ngokuphelele kwi-swimming pool yakulo muzi. Abosizo lokuqala bahlole le ndoda base bathola ukuthi ithole okungase kube ukulimala esandleni kanye nokusikeka okuningi kanye nemihuzuko,” kulandisa abakwa-ER24.

FUNDA NALOLU DABA: Usesimweni esibucayi umshayeli weloli eliphonseke ebhulohweni

Abakwa-ER24 bathi kukholakala ukuthi umshayeli ubethi uzama ukuvika imoto ezayo kanti uzophunyukwa yimoto ngaphambi kokuba ibhodloze udonga ku-Albertina Sisulu Road.

Lo mlisa ube eseyiswa eLife Flora Clinic ukuze athole okunye ukwelashwa.

 

Image: ER24

Related Posts